కర్ణాటక అసెంబ్లీ ఎన్నికలకు షెడ్యూల్ విడుదలైంది. మే 10న అక్కడ ఎన్నికలు జరగనున్నాయి. 13న ఫలితాలు వెలువడతాయి.
కర్ణాటక అసెంబ్లీలో 224 సీట్లు ఉన్నాయి. ప్రస్తుతం బీజేపీకి 119 మంది సభ్యులు, కాంగ్రెస్ పార్టీకి 75 మంది ఉన్నారు. జనతాదళ్ సెక్యులర్ పార్టీకి 28 మంది సభ్యులు ఉన్నారు.
ప్రస్తుతం అక్కడ బీజేపీ పాలన సాగుతుండగా.. ముఖ్యమంత్రి బసవరాజ బొమ్మై ఇటీవల తీసుకున్న నిర్ణయాలతో స్థానికంగా ఆందోళనలు జరుగుతున్నాయి. ముస్లింలకు 4 శాతం రిజర్వేషన్లను తొలగించడం.. బంజారాలకు రిజర్వేషన్లు తగ్గించి వక్కలిగలకు రిజర్వేషన్లు పెంచడం వంటి నిర్ణయాలు తీసుకున్నారు బొమ్మై.
